२०७८ असोज ०१ शुक्रबार

तत्कालिन युद्धमा अंग्रेज फौजलाई सिमभन्ज्याङ्ग तर्फ मोडिन वाध्य पारिएको इतिहास रहेको चिसापानी गढी

मकवानपुर जिल्ला, चिसापानी गाउँपालिका वडा नं. ६ स्थीत चिसापानी गढी नेपालको इतिहासमा उल्लेखित महत्वपूर्ण किल्लाहरु मध्य एक हो । यो सैनिक तथा प्रशासनिक दृटिकोणले एउटा महत्वपूर्ण सम्पदाको रुपमा रहेको छ । मकवानपुर जिल्लाको करिव वीच भागमा यो गढी अवस्थीत छ । 
    हेटौडाबाट भैंसे, भीमफेदी, कुलेखानी हुदै काठमाण्डौं जाने मार्गको नजिक यो गढी रहेको छ । गढी सुरक्षाको लागि यसका चारैतर्फ खोल्साको निर्माण गरिएको छ । यो खोल्सा पार गर्न पूल विना सकिदैन । गढीको मूलद्वार प्रवेश गर्न यहाँ काठको पूल राखिएको छ । समय अनुसार जिर्णोद्धारको अभावमा यहाँको खोल्सा जिर्ण वन्दै गइरहेको छ । 
    चारै तर्फ पर्खालको निर्माणले गढीलाई सुरक्षा प्रदान गरेको आभाष मिल्दछ । यो पर्खाल निर्माणमा तोप हान्ने स्थानहरु पनि वनाइएका छन् । यहाँ चारै तर्फ तोपहरु राखिएका छन् । यस दृष्यले हामी कुनै रणभूमिमा छौं की भन्ने आभाष पर्दछ । पहाडै पहाडहरुको बीच भागमा यो गढी रहनु एउटा विशेषता मान्नु पर्दछ । यो परिसर भित्र साना र ठूला समेत गरी जम्मा ७ वटा तोपहरु रहेका छन् । यहाँको सवैभन्दा ठूलो तोप काली तोप हो । बटुक भैरब मन्दिरका पूजारी मान बहादुर पौडेलका अनुसार सो काली तोपले तत्कालिन समयमा रक्सौलसम्म मार हान्ने गरिएको आफुले सुनेको कुराको जानकारी गराउनु भयो । यसैगरी पर्खाल छेउमा राखिएको अन्य तोपहरुले पूर्वमा बागमती, दक्षिणमा भीमफेदी सुपिङ्ग, हेटौडा, रातमाटे, पथलैया र पश्चिम तर्पmको तोपले पोखरामा मार हान्ने गरेको जानकारी आफुले पाएको वताउनु भयो ।